Sadələşdirilmiş vergi bəyannaməsinin vergi orqanına təqdim edilməsini bizə həvalə etməklə, vaxt və puldan qənaət etmiş olacaqsınız.
Vergi ödəyiciləri vergi orqanına sadələşdirilmiş vergi bəyannaməsini elektron formada və ya kağız daşıyıcıda (poçt xidməti vasitəsilə və ya şəxsi təqdim etməklə) təqdim edə bilərlər.
Elektron formada xidmət, istifadəçilərin Dövlət Vergi Xidməti tərəfindən təmin edilmiş şifrə, parol və ya gücləndirilmiş elektron imzası ilə icra olunur. Bu məlumatlardan istifadə edərək istifadəçi onlayn rejimdə sadələşdirilmiş vergi bəyannaməsini hazırlayır və vergi orqanına təqdim edir. Ərizə iş vaxtı başa çatdıqdan sonra və ya iş günündən sonra sistəmə daxil edilərsə, icra işləri müəyyən edilmiş tarixdə yerinə yetirilir.
Vergi ödəyicisinin Sadələşdirilmiş vergi bəyannaməsinin vergi orqanına onlayn təqdim edilməsi İnternet Vergi İdarəsi portalının e-Bəyannamə, ƏDV-DH və ŞHV bölməsindən aparılır. Bu prosesdə:
• “e-Bəyannamə” seçilir və bəyannamə forması açılır;
• Online sadələşdirilmiş bəyannamə formasına məlumatlar daxil edilir;
• Məlumatlar daxil edildikdən sonra “Göndər” düyməsi ilə bəyannamə yüklənilir;
• Yüklənmiş bəyannamələr avtomatik olaraq sistem tərəfindən yoxlanılır;
• Sistemdə səhv tapıldıqda, düzəlişlər edildikdən sonra proses davam etdirilir;
• Səhv tapılmadıqda “təsdiq et” düyməsi sıxılır;
• Təsdiqdən sonra, vergi orqanına göndərilməsi barədə təsdiq bildirişi çıxarılır.
Bəyannamə sistemə daxil ediləndə və istifadəçi tərəfindən təsdiqləndikdə sistemə qeydiyyatdan keçirilir və ona 16 rəqəmli qeydiyyat nömrəsi verilir.
Sadələşdirilmiş vergi ödəyiciləri vergi orqanına bəyannaməni təqdim etmək üçün hesabat dövründən sonrakı ayın 20-dən gec olmayaraq müraciət etməlidirlər. Vergi ödəyicisi bəyannaməni vergi orqanının qəbul etdiyi koordinasiya şöbəsinə təqdim etməlidir. Bəyannamə, tələblərə uyğun olaraq qeydiyyata alındıqdan sonra vergi orqanı tərəfindən qəbul edildi tarixi və qeydiyyat nömrəsi ilə qeyd olunmalıdır.
Bəyannamə poçtla təqdim edildikdə, onun vergi orqanına təqdim edildiyi tarix poçta təqdim edildiyi gün olaraq qeyd olunur. Poçtla daxil olan bütün bəyannamələr eyni gün qeydiyyata alınmalıdır.
Daha ətraflı məlumat və pulsuz konsultasiya əldə etmək üçün müraciət edə bilərsiniz.
